Оқушылардың бейіндік бағдарын анықтау

Жетісай ауданы, Асықата кентінде орналасқан №10 "Қайнар" мектеп-гимназия" коммуналдық мемлекеттік мекемесінде оқушылардың қызығушылық бағытын, қабілетін, келешекте ие болуға тиісті мамандыққа бейімделуін анықтау мақсатында 9-сынып оқушыларынан сауалнама алынды. Сауалнама алынбай тұрып 9-сынып жетекшілері, ата-аналар мен оқушылардан ZOOM платформасы арқылы қашықтықтан жиналыс жасалынып, түсіндіру жұмыстары жүргізілді.
Сауалнамаға қатысқан 94 оқушының келесі оқу жылында 71-і осы жоғарыда аталған мектепте жалғастыратыны, 15-і колледжде, 4-еуі отбасылық жағдайымен басқа мектепте, 2-еуі әскери мектепте, 2-еуі медреседе оқитыны белгілі болды. Өзімнің мектебімде оқимын деген 71 оқушының 42-сі жаратылыстану - математикалық бағытты, 29-ы қоғамдық-гуманитарлық бағытты таңдап отыр. Бұл алдын ала жүргізілген сауалнама. Алдағы уақытта біршама өзгерістер болуы да мүмкін. Оқу жылының соңында осы сауалнама және бір рет алынады. Сол кезде нақты бейіндік таңдаулары белгілі болады.
Директордың бейіндік оқыту жөніндегі орынбасары Тургунбаев Алмас Баязитович