Мектеп директорының қамқоршылық кеңесте есеп беруі

  №10 "Қайнар" мектеп-гимназия" коммуналдық мемлекеттік мекемесінің директоры Убайдина Гүлжан Тұрарбекқызы 18.01.2024 жылы  мектебіміздің жанынан құралған қамқоршылық кеңесінің отырысында 2023-2024 оқу жылының I жартыжылдығында  атқарылған жұмыстар жайында есеп берді.     

    Есеп барысында мектеп директоры 2023—2024 оқу жылында атқарылып жатқан жұмыстарға тоқталды. Нақтырақ айтсақ, білім сапасы, педагог кадрлардың құрамын жақсарту, жас мамандарды тәрбиелеу, мектептің материалдық-техникалық базасын нығайтуды басты мақсат етті. Онда жалпыға бірдей міндетті білім берудің орындалуы,  педагог кадрлармен жұмыс, мектеп құжаттарын жүргізуді бақылау, оқушылардың білім-білік дағдылары, оқу—материалдық база, пәндердің оқыту сапасын бақылау, құқық бұзушылықтың алдын алу, әлеуметтік жағдайы төмен, көп балалы отбасы балаларына психологиялық көмек беру, оқушылардың тәрбиелік деңгейін жақсарту, бос уақытын тиімді ұйымдастыру, пәндік үйірмелер мен спорттық секциялардың, сыныптан тыс іс-шаралар бойынша атқарылған жұмыстарды айтып өтті. 

   Отырыс соңында қамқоршылық кеңес төрағасы және мүшелері мектеп директоры Убайдина Гүлжан Тұрарбекқызының атқарылған жұмыстарының  сапасына көңілі толып, оң бағасын берді.