Ардагер ағаларға құрмет көрсетілді

Ардагер ағаларға құрмет көрсетілді

Кеңес әскерінің Ауғанстан Республикасынан шығарылғанына 34 жыл толуына орай №10 "Қайнар мектеп-гимназия" коммуналдық мемлекеттік мекемесінде директордың тәрбие ісі жөніндегі орынбасарлары Д.Насимов пен А. Бердалиеваның, кітапхана меңгерушісі К.Битанованың ұйымдастыруымен "Ерлікке тағзым" тақырыбында Ауған ардагерлеріне арналған іс-шара болып өтті. Іс-шара Асықата кентінде орналасқан Кеңес өкіметінің батыры А.Әлімбетовтың ескерткішіне Ауған ардагерлерінің құрметіне гүл шоқтарын қоюдан басталды.
 Айтулы іс-шараға сұрапыл соғысқа жастығын қиып, от пен оқтың арасынан отанына аман оралған ардагерлеріміз қатысты. Атап айтсақ Қалкешов Малдыбай мырза, Ибрагимов Алмасхан мырза, Рысбеков Базаралы мырзалар.
 Мектебіміздің директоры Гүлжан Тұрарбекқызы ардагерлерді мерекелерімен құттықтап, ел үшін, жер үшін от кешкен ерліктері өскелең ұрпаққа өнеге екендігін айтып өтті . Оқушылардың ардагерлерге арнаған өлең шумақтары оқылып, Ауғанстан соғысы туралы видео роликтер көрсетілді.
 Кездесудің негізгі мақсаты: Батыр ағаларымыздың ерліктерін өскелең ұрпаққа үлгі ете отырып жастардың бойындаға патриоттық сезімдерін ояту, тарих қойнауына кеткен зұлмат соғыстың құрбандарын әрдайым жадымызда сақтау.
 Еліміз аман, соғыссыз тыныштық заман болсын!