"Мамандық әлемінде балаға қандай бағыт-бағдар беруге болады?"
Дөңгелек үстел: "Мамандық әлемінде балаға қандай бағыт-бағдар беруге болады?" №10 «Қайнар» мектеп-гимназия» коммуналдық мемлекеттік мекемесінде 2023 жылдың 1 наурыз күні «Функционалдық сауаттылық - білім беру сапасын жақсартудың аса маңызды шарты» тақырыбында облыстық семинар өтті. Семинар бағдарламасында директордың бейіндік оқыту жөніндегі орынбасары Тургунбаев Алмас пен кәсіптік бағдар беруші Алдабергенова Ляззаттың ұйымдастыруымен "Мамандық әлемінде балаға қандай бағыт-бағдар беруге болады?" атты дөңгелек үстел ұйымдастырылды. Дөңгелек үстелдің мақсаты оқушыларымыздың мамандық құндылығы туралы түсініктерін кеңейту. Мамандық таңдау, оның нәтижесіндегі еңбек қуанышы туралы ұғым беру. Білім алушыларды түрлі мамандық иелерімен кездестіре отырып, пікір алысуға, таңдаған мамандығына деген қызығушылығын арттыруға, ол жолда тиянақты да, саналы білім алуға деген ұмтылысты оятуға бағыт беру. Күтілетін нәтиже, балалар мамандық таңдауда негізгі шарттарды меңгереді, мамандық таңдауда оң шешім қабылдайды. Дөңгелек үстелге облыс және аудандағы түрлі саладағы мамандар, мектеп басшылары, әдіскерлер, педагогтар, психолог, ата-аналар, оқушылар қатысты. Семинар қорытындысында қатысушылар дөңгелек үстелдің өткізілу деңгейіне жоғары баға берді.
