АБАЙТАНУШЫ АБЕНОВА ЛАЗЗАТ УСМАНҚЫЗЫМЕН КЕЛЕЛІ КЕЗДЕСУ БОЛЫП ӨТТІ.

АБАЙТАНУШЫ АБЕНОВА ЛАЗЗАТ УСМАНҚЫЗЫМЕН КЕЛЕЛІ КЕЗДЕСУ БОЛЫП ӨТТІ. 

   Бүгін, №10 "Қайнар" мектеп-гимназия" коммуналдық мемлекеттік мекемесінің директоры Убайдина Гүлжан Тұрарбекқызының басшылығымен және бейіндік оқыту жөніндегі орынбасары 

А. Тургунбаев, қазақ тілі мен әдебиеті пәні бірлестігінің ұйымдастыруымен елімізге танымал ұстаз, филология ғылымдарының кандидаты, Білім беру ісінің үздігі, Жұмабек Ахметұлы Тәшенев атындағы университеттің Ғалым хатшысы, әдебиеттанушы, абайтанушы ғалым, «Филология» факультеті «Қазақ тілі және  әдебиеті» кафедрасының қауымдастырылған профессор міндетін атқарушы Абенова Лаззат Усманқызымен келелі кездесу болып өтті. Еңбек жолын "Абайтану" ғылымына арнаған Абенова Лаззат Усманқызы оқушылар тарапынан дайындалған арнайы іс-шараны тамашалады. Сонымен қатар "ХХІ ғасыр және Абай әлемі" тақырыбында сөз өрбітіп, мектеп ұжымы және білім алушылардың көкейінде жүрген сұрақтарға жауап берді. Тағылымды шарада құрметті қонағымыз көзі ашық, ғылымға, білімге, өнерге құмар оқушыларымызға ақ батасын беріп, өз ризашылығын білдірді. 

   Кеш қорытынды сөзінде мектеп директоры Убайдина Гүлжан Тұрарбекқызы мектеп ұжымы мен оқушылар тарапынан алғыс айтып, оқу саласына үлкен серпіліс болғанын жеткізді.