АРДАГЕР АҒАЛАРҒА ҚҰРМЕТ КӨРСЕТІЛДІ!

АРДАГЕР АҒАЛАРҒА ҚҰРМЕТ КӨРСЕТІЛДІ! 

 Кеңес әскерінің Ауғанстан Республикасынан шығарылғанына 36 жыл және "Ұлы жеңістің 80 жыл" толуына орай №10 "Қайнар мектеп-гимназия" коммуналдық мемлекеттік мекемесінде директордың тәрбие жұмысы жөніндегі орынбасары Насимов Досымхан, АӘжТД пәнінің оқытушы-ұйымдастырушысы Ыбырай Байдәулен және 10 "А" сынып жетекшісі Гулмира Қарынтаева, кітапхана меңгерушісі Карима Битанованың ұйымдастыруымен  "Отты жылдар жаңғырығы" атты Ауған ардагерлеріне арналған жиын болып өтті. 

   Айтулы іс-шараға сұрапыл соғысқа жастығын қиып, отпен оқтың арасынан Отанына аман оралған ардагерлеріміз қатысты. Атап айтсақ, Ибрагимов Алмасхан мырза, Рысбеков Базаралы, Асықата кенті ардагелер ұйымының төрағасы Медетбеков Батыр мырзалар өздерінің естеліктерімен бөлісті. Мектеп директоры Гүлжан Тұрарбекқызы ардагерлерді мерекелерімен құттықтап, бағалы сыйлықтармен марапаттады. Оқушылардың ардагерлерге арнаған өлең шумақтары оқылып, Ауғанстан соғысы туралы видео роликтер көрсетілді.

   Кездесудің негізгі мақсаты— осынау батыр ағаларымыздың ерліктерін өскелең ұрпаққа үлгі ете отырып жастардың бойындаға патриоттық сезімді ояту, тарих қойнауына кеткен зұлмат соғыстың құрбандарын әрдайым жадымызда сақтау.     

   Еліміз аман, соғыссыз тыныштық заман болсын!