Мамандық таңдау — табысты өмірдің кілті

Жетісай аудандық білім бөлімінің әдіскері Ұлжан Бақытқызының жетекшілігімен "МАМАНДЫҒЫМ - БОЛАШАҒЫМ" жобасы аясында №10 "Қайнар» мектеп-гимназия" коммуналдық мемлекеттік мекемесінде директордың бейіндік оқыту жөніндегі орынбасары А.Тургунбаев және кәсіптік бағдар беру педагогы Л. Алдабергенованың ұйымдастыруымен "Мамандық таңдау-табысты өмірдің кілті" атты тақырыбында әртүрлі сала мамандарымен кездесу өткізілді.
Мақсаты: Мамандық таңдау кезінде оқушыларға бағыт-бағдар беріп, таңдау мүмкіндіктерін шешу. Адам өмірінде мамандықтың алатын орны, маңызы туралы түсінік қалыптастыру.
Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек.
Тағдырыңды өзгертетін таңдау жасау өте қиын. Өмірге енді аяқ басқан жас ұландарымыз алдында мыңдаған кәсіптің өз жанына лайықты біреуін таңдау міндеті тұрады.
Сондықтан да оқушыларға бағыт- бағдар беріп, маманбықты таңдау мүмкіндерін шешу үшін бүгінгі кешімізге арнайы мамандық иелері келіп , өз ойларымен бөлісті.