БОЛАШАҚ КӘСІП ИЕЛЕРІ

Жетісай ауданының білім бөлімінің 23.02.2024 жылғы №639 санды хатына сәйкес 2024 жылдың 28 ақпан күні №10 «Қайнар» мектеп-гимназия базасында Жетісай қаласы, Ж.Ералиев ауылдық округі, Ш. Ділдәбеков ауылдық округі, «Жылы су» ауылдық округі, Қазыбек би атындағы ауылдық округіндегі жалпы білім беретін мектептерінің кәсіби бағдар мамандары арасында «МАМАНДЫҒЫМ - БОЛАШАҒЫМ» жобасы аясында интеллектуалды сайыс өтілді.
Негізгі мақсат - мұғалімдер арасында шығармашылық қабілеттерін арттыру, танымдық қызығушылықтарын ояту арқылы білім деңгейін көтеру. Сондай-ақ интеллектуалды ортаны қалыптастыру.
Аталған сайыс 4 кезең тұрды. 1-кезең таныстыру (эмблема), 2-кезең үй тапсырмасы (мамандықтардың қыр – сырын ашу, слайд жасау), 3-кезең ұяшық таңдау, 4-кезең «Сыр сандық» (берілген элементтерге қарай қандай мамандықтар сәйкес келетінін табу). Сайыстың ережесі бойынша үй тапсырмасына берілген тақырыптар қатысушыларға алдын ала беріліп, дайын жұмыс күйінде қорғап шықты. Сайыс қорытындысы бойынша 4 кезеңнен сүрінбей, топты жарып шыққан ұстаздарды әділқазы алқалары ақпараттың өзектілігі, тақырыпты ашудағы натижесін ескеріп тиісті орындарды белгіледі. Бас жүлдені – Жетісай қаласының жалпы білім беретін мектептері, І-орынды Ш. Ділдабеков ауылдық округі , ІІ-орынды«Жылы су» ауылдық округі, ІІІ-орынды Ж. Ералиев ауылдық округі, Алғыс хатпен Қазыбек би ауылдық округтерінің жалпы білім беретін мектептері марапатталды.